АЯЛЛЫН ДААТГАЛ

АЯЛЛЫН ДААТГАЛ

Даатгуулагчдын анхааралд
Энэ даатгалд 65 хүртэлх насны хүмүүс хамаарна. 65-аас дээш насны хүмүүс нэмэлт хураамжаар даатгуулж болно. Үүнд: 65-79 насны хүмүүс даатгалын хураамжийг 2 дахин, 80-84 насны хүмүүс даатгалын хураамжийг 3 дахин өсгөж нэмэлт хураамж төлнө.

Энэхүү даатгалын баталгаа нь даатгалын хураамж төлөгдсөний үндсэн дээр даатгагч болон даатгалын баталгаанд нэр заасан даатгуулагчийн хооронд байгуулсан даатгалын гэрээ гэж тооцогдоно. Даатгалын үйлчлэх хугацаа нь даатгалын баталгаанд заасан хугацаанд даатгуулагч Монгол улсын хилийн дээсийг давсан цагаас эхэлж, даатгалын баталгаанд заасан хугацаа дууссан эсвэл даатгуулагч байнга оршин суугаа орондоо буцаж ирсэн тохиолдолд дуусгавар болно. Бүтэн жилийн даатгал хийгдсэн  тохиолдолд даатгуулагч даатгалын хугацаанд сонгосон газар зүйн хүрээнд хэдэн ч удаа аялах боломжтой ба аялал тухай бүрд 92 хүртэлх хоногийн хугацаагаар хамгаалагдсан болно. Нөхөн төлбөрийн нэхэмжлэл гаргах даатгалын тохиолдол болсон үед даатгуулагч дэлхийн бүх улс оронд өөрийн сүлжээ бүхий MARFRE Asistencia-тай нэн даруй холбогдох үүрэгтэй. Ингэснээр даатгуулагч 24 цагийн турш үнэ төлбөргүй зөвлөгөө авах, туршлагатай зөвлөгчийн тусламжтайгаар бүх асуудлаа газар дээр нь бүрэн шийдвэрлүүлэх болно. Та даатгалын гэрээний нөхцөлүүдтэй сайтар танилцана уу.
Гэрээ цуцлах, цуцласнаас үүсэх хариуцлага

1. Даатгалын гэрээг дор дурдсанаас бусад тохиолдолд цуцлахгүй ба хураамжийг буцаан олгохгүй. a. Даатгуулагчийн гэр бүлийн гишүүн хүндээр өвчилсөн, нас барсны улмаас зорчоогүй. b. Даатгуулагчийн зорчих улсын виз гараагүйг бичгээр нотолсон үед. c. Тухайн улс орон руу зорчихыг Засгийн Газраас хориглосон үед
2. Дээр дурдсан тохиолдлуудын улмаас гэрээг цуцлах тохиолдолд даатгуулагчийн төлсөн хураамжаас даатгагчийн холбогдон гарсан зардлыг хасч буцаан олгоно.
3. Даатгуулагчийн визийн хугацаа даатгалын хугацаанаас өөрөөр олгогдсон тохиолдолд хураамжийн зөрүүг даатгуулагчид буцаан олгоно.

Даатгал үйлчлэхгүй нөхцөл
Эмчийн тодорхойлолтод дурьдсан гэнэтийн шалтгаанаас бус, өөрт байсан нь тодорхой аливаа өвчин зовиур, хууч өвчинтэй холбоотой хийгдсэн аливаа эмчилгээ нь даатгалаар хамгаалагдахгүй ба нөхөн төлбөр олгогдохгүй.  Даатгуулагчид байсан болон байгаа өвчин зовиур, хууч өвчин гэдэгт дараах өвчин орно. Үүнд: Гипертон, даралт ихсэх, зүрхний өвчин, тархи мэдрэлийн өвчин, чихрийн шижин, хорт хавдар, харшил, астма, жирэмслэлт, бүх төрлийн чулуу, шүдний өвчин (гэнэтийн ослын улмаас үүдсэн шүдний эмчилгээ орохгүй.)

Даатгалын эрсдэл

1. Гэмтэл
2. Хурц өвчлөл

Даатгалын үнэлгээ

Даатгалын үнэлгээг даатгагч, даатгуулагч нар харилцан тохиролцож тогтоох бөгөөд тахир дутуугийн зэрэглэл тогтоолтын үнэлгээний хэмжээ нь гэнэтийн ослоор нас баралтын үнэлгээний хэмжээтэй тэнцүү байна.

Даатгалын хураамж

Даатгалын үнэлгээг даатгагч, даатгуулагч нар харилцан тохиролцож тогтоох бөгөөд тахир дутуугийн зэрэглэл тогтоолтын үнэлгээний хэмжээ нь гэнэтийн ослоор нас баралтын үнэлгээний хэмжээтэй тэнцүү байна.

Даатгуулагчийн хураамжийн хэмжээг даатгалын зүйл, ажил мэргэжил, албан тушаал, үйлчлэх хүрээ-хугацаанаас хамааруулан тогтоох ба хураамжийн хувь 0.3%-2.3% байна.

Нөхөн төлбөрийн бүрдүүлэх материал

1. Даатгуулагчийн өргөдөл; даатгуулагчийг хууль ёсны дагуу төлөөлөх эрх бүхий этгээдийн өргөдөл;
2. Даатгалын гэрээ, баталгааны эх хувь;
3. Даатгалын тохиолдол бий болсныг нотлох фото зураг, боломжтой бол хэргийн газар дээрээс баталгаажуулсан бусад нотлох баримтууд, эд мөрийн баримтууд;
4. Хохирлын шалтгаан, хэмжээ, зүйлийг эрх бүхий байгууллагаас тодорхойлсон акт, материал, баримт;
5. Мэргэжлийн холбогдох байгууллагын гаргасан дүгнэлт, тодорхойлолт;

Нөхөн төлбөр олгох нөхцөл

1. Даатгалын тохиолдол үүссэн үед хохирлын хэмжээг тодорхойлохдоо даатгуулагч өөрийн зардлаар Монгол Улсад үнэлгээ хийх эрх бүхий үнэлгээчин, аудитаар хөндлөнгийн үнэлгээ хийлгэнэ. Уг үнэлгээг талуудын аль нэг нь эс зөвшөөрсөн тохиолдолд талууд хамтран Монгол Улсад үнэлгээ хийх эрх бүхий үнэлгээчин, аудитыг сонгон, хөндлөнгийн үнэлгээ хийлгэх бөгөөд гарах зардлыг талууд хамтран хариуцна.
2. Даатгагчаас даатгуулагчид олгох нөхөн төлбөр болон даатгалын тохиолдол бий болсны улмаас учирч болох хохирлын хэмжээг багасгахын төлөө даатгуулагчийн авсан арга хэмжээний өртгийн нийлбэр нь даатгалын үнэлгээнээс хэтэрч үл болно.
3. Даатгалын тохиолдол болсон үед Даатгагчийн нөхөн төлбөр хариуцсан албан тушаалтан нөхөн төлбөрийн баримтуудыг бүрэн гэж хүлээн авч, зохих баримт үйлдсэн өдрөөс хойш хуанлийн 14 өдрийн дотор гэрээгээр тохиролцсон хэмжээнд олгоно. Хэрэв даатгагч нь даатгалын нөхөн төлбөр хүссэн баримт бичгийг хянах явцад нэмэгдэл мэдээлэл цуглуулах, төрийн эрх бүхий байгууллагаар шаардлага гарсан тохиолдолд энэхүү хугацааг сунгаж болно.
4. Хэрэв, даатгалын нөхөн төлбөртэй холбоотойгоор тухайн хэрэг төрийн захиргааны байгууллагад хянагдаж байгаа, шүүхийн журмаар хянан хэлэлцэгдэж байгаа нөхцөлд энэхүү нөхцөлийн 4.3 дугаар зүйлд заасан зохицуулалт үйлчлэхгүй.
5. Даатгалын тохиолдол бий болсны дараа даатгагч нөхөн төлбөрийг олгосон нөхцөлд буруутай этгээдээс төлбөр нэхэмжлэх даатгуулагчийн эрх нь даатгалаар олгогдсон нөхөн төлбөр, түүнтэй холбогдон гарсан зардлын хэмжээгээр даатгагчид шилжинэ.
6. Даатгалын нөхөн төлбөрийг зохих журмын дагуу олгосноос хойш Даатгуулагч гарсан хохирлыг буруутай этгээдээр нөхөн төлүүлсэн болох нь тогтоогдсон тохиолдолд Даатгуулагч нь олгогдсон нөхөн төлбөрийг үл маргах журмаар Даатгагчид бүрэн буцаан төлнө.
7. Даатгуулагчийн хүлээх хариуцлага нь бүхлээрээ буюу хэсэгчлэн өөр даатгалын гэрээгээр даатгагдсан бол нөхөн төлбөр нь даатгагчийн хүлээх хариуцлагын хүчин төгөлдөр буй бүх даатгалын гэрээнүүдийн хариуцлагын дээд хязгаарын нийлбэр дүнд түүний эзлэх хувиар даатгуулсан хариуцлагын хязгаараас тооцож олгоно.
8. Даатгалын зүйл нь энэхүү нөхцөлийн зөвхөн 1.1 байх тохиолдолд тахир дутуугийн зэрэглэл тогтоосон хугацаанаас хамааран дараах байдлаар нөхөн төлбөр олгоно. Үүнд:

• Жилээс дээш хугацаагаар тогтоолгоход үнэлгээний 100 хувиар;
• 6 сараас 12 сар хүртэл хугацаагаар тогтоолгоход үнэлгээний 50 хувиар;
• 6 сар хүртэл хугацаагаар тогтоолгоход үнэлгээний 30 хувиар;

9. Даатгалын зүйл нь энэхүү нөхцөлийн 1.1 болон 1.2 байх тохиолдолд даатгуулагч нь 90 хоног эмчлүүлээд тахир дутуугийн зэрэглэл тогтоолгосон бол хугацаанаас нь хамааруулан 8-д заасан хэмжээгээр нөхөн төлбөр авах ба эмчилгээний хоногоос шалтгаалан дараах байдлаар нэмж нөхөн төлбөр авна. Үүнд: 4.9.1

• 45 хүртэл хоног эмчлүүлсэн бол хуанлийн хоног тутамд үнэлгээний 0.3 хувиар;
• 46-аас дээш хоног эмчлүүлсэн бол 45 хоног хүртэл заасан хэмжээн дээр нэмж 46 дах хоногоос эхлэн 90 дэх хоног дуустал хоног тутамд үнэлгээний 0.5 хувиар;

10. Даатгуулагч гэнэтийн ослоор нас барсан тохиолдолд даатгалын үнэлгээний 100 хувиар тооцож нөхөн төлбөр авах ба нийт олгох нөхөн төлбөр нь даатгалын үнэлгээнээс хэтрэхгүй байна.
11. Нөхөн төлбөрийг эмчилгээний хугацаа дууссаны дараа тахир дутуугийн зэрэглэл тогтоолгосон эс тогтоолгосон шийдвэр гарсны дараа тооцож олгоно.

Нөхөн төлбөр олгохгүй нөхцөл

1. Даатгуулагч даатгагчид худал мэдээлсэн, хуурамч бичиг баримт бүрдүүлсэн, бүрдүүлэхээр завдсан;
2. Даатгал хийлгэх үедээ даатгалын зүйлтэй холбоотой мэдээлэл худал буюу зөрүүтэй болон даатгалын асуулгыг үнэн зөв өгөөгүй бол;
3. Даатгалын тохиолдол болсныг нотлох боломжгүй бол;
4. Энэхүү гэрээнд өөрөөр заагаагүй бол гэмт хэргийн шинж чанар, зорилготойгоор үйлдсэн үйлдлийн улмаас учруулсан аливаа хохирол;
5. Гэрээнд өөрөөр заагаагүй бол даатгалын зүйлд гарсан хохирлоос үүдэн гарсан эдийн засгийн алдагдал;
6. Хүндэтгэн үзэх шалтгаангүйгээр гэрээ болон даатгалын нөхцөлүүдэд тусгагдсан баримт материалыг даатгалын тохиолдол бий болсон өдрөөс хойш хуанлийн 90 хоног дотор хүлээлгэн өгөөгүй бол;
7. Гэрээнд өөрөөр заагаагүй бол Монгол Улсын нутаг дэвсгэрээс гадна учирсан аливаа хохирол;
8. Байлдааны зэвсэг хэрэглэх, атомын болон цөмийн дэлбэрэлт, цацраг идэвхит цэнэгийн нөлөөгөөр үүссэн хохирол;
9. Дайн, дайны шинжтэй тэмцэл, хувьсгал, маргаан, булаан эзлэх, барьцаалах, баривчлан саатуулах, мина хаях, бөмбөг дэлбэлэх зэрэг үйл ажиллагаанаас үүдсэн хохирол;
10. Энэхүү гэрээнд өөрөөр заагаагүй бол нийгмийн эмх замбараагүй байдал, иргэний бослого, үймээн, гэмт халдлага, террорист болон улс төрийн шинж чанартай үйл ажиллагааны улмаас үүдсэн хохирол;
11. Даатгуулагч нь даатгалд хамрагдахаас өмнө учирсан ослын улмаас олсон гэмтлийн урхаг, хор нөлөөг эдгэрүүлэх, сэргийлэх зорилгоор дахин эмчилгээ хийлгэж эмнэлэгт хэвтсэн, амбулатори болон гэрээр эмчлүүлсэн бол;
12. Ердийн болон халдварт өвчний улмаас хэвтэж эмчлүүлсэн болон тахир дутуугийн зэрэглэл тогтоолгосон, рашаан сувиллын амралтын газар сувилуулж, эмчлүүлсэн бол;
13. Даатгуулагч нь санаатайгаар өөрийн биед гэмтэл учруулсан, амиа хорлосон, амиа хорлохыг завдсан бол;
14. Мэргэжлийн спортын, уралдаан тэмцээн мөн бүхий л дотоод шаталтын хөдөлгүүртэй тээврийн хэрэгслээр уралдаан тэмцээнд оролцсон, уулын спорт, агаарын бүхий л спорт болон шүхрийн спортод оролцсон бол;
15. Даатгуулагч, түүний ажилтны сэтгэл санааны хямрал, сэтгэцийн эмгэг, эрх зүйн чадамжгүй үе, саа өвчний улмаас болон түр зуурын шокын байдлаас үүдсэн гэмтэл бэртэл болон согтууруулах ундаа мөн мансууруулах бодис хэрэглэснээс үүдсэн хохирол;
16. Даатгуулагчийн ажил мэргэжлээс шалтгаалах өвчин болон удаан хугацааны туршид үүссэн нуруу нугасны гэмтэл;
17. Даатгуулагчийн 90-ээс дээш хоногт эмчлүүлсний төлбөр;
18. Даатгуулагч нэг удаагийн төлөлтөөр даатгалын хураамжийг төлөх нөхцөлтэйгөөр гэрээг байгуулсан боловч хураамжаа төлөөгүй байх үед эсхүл даатгалын хураамжийг хэсэгчилж төлөх нөхцөлтэйгөөр гэрээг байгуулсан боловч гэрээнд заагдсан хуваарийн дагуу эхний төлбөрөө төлөөгүй байх үед үүссэн хохирол.