ВИЗНИЙ МЭДЭЭЛЭЛ
Гадаад улсад хувь болон албан шугамаар зорчих иргэн байгууллагад визний зөвлөгөө, бүрдүүлэлт хийх үйлчилгээг санал болгож байна.
- Визний материал бүрдүүлэх
- Аяллын хөтөлбөр, төлөвлөгөөг гаргах
- Нислэгийн тийз захиалах, зочид буудлын захиалга
- Зорчих улс, орны талаар зөвлөгөө өгөх
АНУ
Цагаачлалын бус визийг АНУ-д тодорхой хугацаанд тодорхой зорилгоор зорчих хүсэлтэй жуулчид, бизнес эрхлэгчид, оюутнууд, эсвэл мэргэжлийн ажилчдад олгоно. АНУ-ын визний тухай хууль тогтоомжийн дагуу цагаачлалын бус виз мэдүүлэгчдийн ихэнх нь өөрийн эх оронтойгоо нягт холбоотой, АНУ-д зорчсоныхоо дараа буцаж ирэх зайлшгүй шалтгаантайгаа Консулд батлан харуулах ёстой. Мөн үүнээс гадна аяллын зорилгоор зорчиж байгаа тохиолдолд дараах материалыг бүрдүүлнэ.
- Гадаад пасспорт /6 сарын хүчинтэй хугацаатай байх/
- DS-160 анкет
- 1 хувь цээж зураг 5см Х 5см
- Визаны төлбөр төлсөн баримт
- Цаг авсан баталгаат хуудас
- Ажлын тодорхойлолт
- Банкны тодорхойлолт, дансны хуулга
- Гэр бүлийн гэрчилгээ
- Үл хөдлөх хөрөнгийн баталгаа
- Хуучин паспорт
- Аяллын хөтөлбөр
- Буудлын захиалгын баталгаа
АНЭУ
- Гадаад паспортын хугацаа доод тал нь 6 сарын хугацаанд хүчинтэй байх
- Онгоцны тийзийн захиалгын хуудас
- Буудал захиалгын хуудас
- Сүүлийн 3 сард авхуулсан нэг хувь цээж зураг
- АНЭУ-ын визийг онлайнаар мэдүүлдэг бөгөөд виз нь таны гадаад паспорт дээр дарагдахгүйгээр цахим хэлбэрээр ирдэг. Та энэхүү цахим хэлбэрээр ирсэн визээ хэвлэн гадаад паспортын хамт хавсарган авч явах шаардлагатай.
Шенгений орнууд
- Бүрэн гүйцэд бөглөсөн шенген визийн маягт болон худал мэдүүлэг өгсөнөөс үүдэх үр дагаварын талаарх танилцуулга
- Биометрийн шаардлага хангасан 35*45 мм 2 хувь цээж зураг
- Хүчинтэй гадаад паспорт (хэрэв байгаа бол урьд өмнө ашиглаж байсан гадаад паспортууд)
- Үйлчилгээний хураамж
- Төрсний гэрчилгээ (франц хэл рүү орчуулсан байх)
- Нийгмийн даатгалын дэвтэрийн хуулбар (франц хэл рүү орчуулсан байх)
- Аялагчдад зориулсан эрүүл мэндийн даатгалын баримт
- Аяллын зорилго болон Шенгений аль орнуудаар явах маршрутаа дэлгэрэнгүй бичсэн захидал, зочид буудал болон онгоцны тийзийн захиалга
- Аялалтай холбогдох зардлыг санхүүжүүлэх баримт
- Амралттай, чөлөөтэй болон цалингийн хэмжээг тодорхойлсон ажил олгогчийн албан бичгийг Герман, Франц эсвэл Англи хэл дээрх орчуулгын хамт
- Тодорхой тохиолдолд нэмэлт бичиг баримт шаардаж болно. Визийн мэдүүлгийг шийдвэрлэхэд олон хүчин зүйлсийг шалгаж үздэг тул жагсаалтын дагуу бичиг баримтаа бүрдүүлж өгөх нь виз гарах баталгаа биш.
Япон
- Бүрэн гүйцэд бөглөсөн виз хүссэн маягт хуудас / Англи болон Япон хэлээр бөглөх/
Мэдүүлгийн хуудсыг Японы ЭСЯ-ны виз олгох хэсэг, ЭСЯ-ны гадаа харуулын албанаас авч болох бөгөөд эсвэл энэ вэб хуудаснаас татаж авч болно./ - Гадаад паспортын хугацаа доод тал нь 6 сарын хугацаанд хүчинтэй байх
- Цээж зураг 1 хувь /4.5*4.5 мм хэмжээтэй, цагаан фоннтой, эгц урагшаа харсан зураг байх ба виз мэдүүлгийн хуудсанд наасан байх/
- Ажлын газар болон сургуулийн тодорхойлолт /Ажил эрхэлдэг буюу сурдаг хүмүүст хамаарагдана/
- Хөрөнгийн баталгаа: Банкны хадгаламжийн дэвтэр /виза карттай бол банкнаас хуулгыг авчрах ба эдгээрийг банкны тодорхойлолттой нь хамт хавсарган өгнө/
- Хувиараа бизнес эрхлэгч бол компаний албан ёсны гэрчилгээ /эх хувь/
- Компаний татварын бичиг /харьяалагдах дүүргийн татварын хэлтсээс сүүлийн улирлын татвар төлсөн тодорхойлолт/
- Нийгмийн даатгалын дэвтэр
- Гэр бүлийн хамт аялаж байгаа тохиолдолд гэр бүлийн баталгаа – гэрчилгээ, гэрчилгээ байхгүй тохиолдолд ИБМУТ-с лавлагаа.
БНСУ
- Бүрэн гүйцэд бөглөсөн виз хүссэн маягт хуудас
- Анх удаа орж байгаа тохиолдолд ЦЕГ-ын тодорхойлолт
- Ажлын газрын тодорхойлолт
- Нийгмийн даатгалын дэвтэр /хэрэв таны сүүлийн 6 сарын хөдөлмөрийн хөлс түүнтэй адилтгах орлого 500,000 төгрөгөөс доош бол БНСУ-ын визний зориулалт бүхий хугацаатай хадгаламж нээлгэх. Урилгатай тохиолдолд 5,000,000₮, урилгагүй тохиолдолд 8,000,000₮/
- Гэр бүлийн баталгаа – гэрчилгээ, гэрчилгээ байхгүй тохиолдолд ИБМУТ-с лавлагаа , эхнэр нөхрийн иргэний үнэмлэхний хуулбар
- Гэрлээгүй бол гэрлэлт бүртгэлгүй тухай лавлагаа
- Сүүлийн 3 сард авахуулсан 1 хувь цээж зураг /3.5х4.5/
- Банкны баталгаа /тухайн банкнаас үлдэгдлийн тодорхойлолт Англи хэл дээр авах/ -хадгаламжийн дэвтэр , хуулбарын хамт / Сүүлийн 6 сар/
- Хувиараа бизнес эрхэлдэг тохиолдолд улсын бүртгэлийн гэрчилгээ
- Татвар төлсөн тодорхойлолт
- Паспортын нүүр, сунгалт болон визтэй хэсгийн хуулбар
- 9000 төгрөг /визний үйлчилгээний хураамж/.
